Date: 10 years ago

Location: Someone else’s garden, Baguio City.

Time:  Isang gabing umaambon, mahangin at malamig.

Characters: Ako at isang LONG LOST SOMEONE.

K: Bukas ba kelangan nasa airport ako pag hinatid ka? (tanong sabay tungga ng alak)

J: Ikaw kung gusto mo. Ok lang.

K: Weh. Kung ayaw ko ok lang din yun? (tawang parang baboy)

J: (nasamid kunwari) Ano ba talagang gusto mo? Ikaw nga. Palagi naman nasusunod gusto mo so kahit sabihin ka na sumama ka duuuuuuuun paluwas ng Manila para ihatid ako kung ayaw mo, ikaw pa rin masusunod. Di ba? (tingin sa kin, malungkot ang mata)

K: Sus! Sympre gusto ko kaya lang pilay ako eh. Sorry.

J: Oo nga tapos ang lakas lakas mo uminom. Akin na nga yan (sabay hablot ng bote saka nilapag malayo sa kin) Lasinggera!

K: (hinablot ang nanahimik na saklay sabay hinampas sa katabi) Ibalik mo!

J: Aray! (kinuha na ang saklay ko at nilapag sa tabi nya) You’re so stubborn. Baket ba naglalasing ka? Gabing gabi na ang likot likot mo. Sobrang kalikutan mo nadulas ka tuloy sa kweba. Tatanga tanga ka kasi.

K: (kinotongan ang katabi) Akin na nga yan! Uuwi na ko. (sabay tayo pero hinila ng katabi paupo)

J: Ihahatid kita, engot. Eh ang tanga tanga mo pa naman, babagal bagal ka pa maglakad kung nagmamaneho ako at nakita kita sa gilid ng kalsada, bubundulin kita.O! Eto na! Last na yan! (sabay abot ng bote ng beer)

K: Salamat, kuya! Eh teka nga pala.. nagpaalam ka na ba sa Fans Club mo? (lagok ulet ng alak kahit parang masama na ang pakiramdam ng sikmura)

J: Anong fans club pinagsasabi mo dyan? (tanong nya sabay yuko para hipuin ang bandage ng paa ko) Masakit pa rin? (tanong nya ulet nakatingin sa akin) Tanga  mo kasi! (pagkatapos ay biglang binitiwan ang paa ko at bigla akong kinabahan na baka humampas sa inuupan naming sementong hagdanan, nang hindi naman ako nasaktan ay bigla ko syang kinotongan)

K: Kapag hindi ako nakalakad ng isang taon, mumultuhin kita!

J: Huh? (narinig nya pero sa malamang gusto nyang ipaulit sa kin dahil walang logic sa sinabi ko)

K: Fans club mo? (iniba ko ang usapan) Gusto mong malaman? Sino pa? Eh di yung nanay ko, yung lola ko, yung tita ko, yung katulong ng kapitbahay nyo, si Kitty, yung isang buong liga ng team na babae sa volleyball na kaibigan lahat ng kuya ko.. (isip pa) yung mga tindera sa palengke ng Baguio, yung kapitbahay namin sa Maynila.. (isip pa ulet) at saka.. (ako? gusto kong sabihin pero nahiya na ako)

J: At saka? (tanong nya nakatingin sa kin, naghihintay ng susunod kong sasabihin)

K: (napalunok) Wala na akong maisip. Hehe.

J: (buntong hininga) Ang dami naman nun. Niloloko mo ko no? Gagu ka.

K: Ulul. Gusto mo lang sabihin ko na gwapo ka at matangkad at matalino at magaling mag basketball at kung ano ano pa. Fishing for compliments ka. (lagok ng bote ulet)

J:  At mayaman. At nag-aaral sa Brent. Nakalimutan mo. (nakangisi tapos biglang sumimangot)

K: At kulot! (tumawa ng malakas pero bigla nyang pinulupot ang kanyang braso sa balikat ko para takpan ang aking bibig)

J: Ang ingay mo! Kapag nagising ang lola ko papagalitan na naman ako nun sasabihin kung sino sino ang ini-entertain kong babae sa dis-oras ng gabi. Baket ba andito ka pa? Wala ka bang mga magulang? Tara na nga, ihahatid na kita sa inyo. (sabay kuha ng saklay ko at inalalayan ako patayo) Last na inum mo na to ah. Wag ka nang iinum ng beer sa harap ng ibang lalake maliban sa mga pinsan mo.

Naglalakad sa gilid ng kalsada sa kalagitnaan ng malamig at paambon-ambon na gabi. Mabagal na lakad dahil pilay ako.

J: Bakit ka ba pumunta ng ganitong oras ng gabi? Imbes na matutulog na ko, ihahatid pa kita. (naiinis na boses habang naglalakad sa kaliwang gilid ko) May sasabihin ka ba sa ken?

K: Pagpunta mo ba ng US, babalik ka pa dito? (tanong ko, kinakabahan)

J: (napatingin sya sa ken at saglit na napangiti) Ano naman kinalaman nun sa tanong ko?

K: (napangiti) Alam mo ang problema kasi pag kausap kita, kapag may tatanungin ako, sumasagot ka palagi ng patanong. (buntong hininga) Abnoy ka ba?

J: Ano?! (naiinis na pasigaw) Baket ako abnoy? Ikaw abnoy ka. Weird mo. Ano?! May sasabihin ka ba? (napabuntong hininga sabay alalay sa akin) Imbes na mahahatid mo ko bukas sa airport, hindi tuloy natuloy kasi ang tanga tanga mo.  Scoot over (hinila nya ako sa gilid nya para mag-share sa oversized nyang jacket)

K: I just want to see you before you go, that’s all. I don’t really have anything to say. (sabi ko habang nanginginig sa lamig)

J: Yun lang? Nothing special? Like I will wait for you or something? (nakakunot noo nyang tanong)

K: (tinulak ko sya palayo) Gago ka ba? Baket ko naman sasabihin yun? Anong feeling mo may crush ako sa ‘yo? Yuck. Kadiri to the bones! (ito pa ang pinaka cool na expression nun, sorry)

J: (tumawa sabay hila sa kin pabalik sa jacket nya)

K: Dahan dahan naman. Baka maapakan mo paa ko! (sigaw ko)

J: (napapikit sya sa lakas ng aking boses) Happy New Year din sa yo! You’re so loud.  Hinaan mo nga boses mo baka mamaya may mabulabog tayong engkanto dyan sa mga puno, mamaga pati paa ko. Idadamay mo pa ako.

K: Stop putting ridiculous thoughts in my head. (bulong ko)

J: I have something to ask you but promise me that if you didn’t like it, just pretend that you didn’t hear it in the first place. Ano? Game? Promise mo muna.

K: (gusto kong makita ang mukha nya kaya huminto ako sa paglalakad) Is this one of your trick questions again? Yung mga tipong if I get stuck in an island —

J: No, nothing like that. (sa sobrang lamig nakikita ko na ang hininga nya)

K: O sige bilisan mo bago tayo mag-yelong dalawa.

J: Kapag ba.. errr.. wag na nga lang. Mahilig ka mag-assume eh baka isipin mo ikaw pa yun.

K: (napatawa) Crush mo ko no?! (tawa ulet) sabi ko na nga ba eh. Ok lang yun.

J: (napabuntong hininga) OO. Matagal na. Pero kasi kaibigan ko kuya mo eh tapos 4 years pa age gap natin saka sobrang immature mo pa eh. (sabay patong ng palad sa ulo ko)

K: (seryosong mukha) Eh hindi naman sobrang layo nung 4 years db? Meron nga May- December love affair eh.

J: (tumawa ng malakas) Joke lang, anu ka ba?! Hahahahaha.. ikaw pala may crush sa ken eh! (tawa pa ulet) Gotcha! You should have seen your face! Priceless!(tawa pa ulet)

K: (uminit ang mga pisngi at nanghina ang mga binti sabay suntok sa dibdib ng kausap) Go to hell! (pagkatapos ay tumalikod ako para hindi nya makita na malapit na akong umiyak)

J: Kak! (childhood name ko yan) Wait! (hinila nya ako pabalik sa kanya) I’m sorry for being such a jerk. I really want to ask you something.

K: Umuwi ka na nga! You pig headed son of a— (hindi ko na natuloy dahil bigla nya akong hinalikan. Parang bigla akong nabuhusan ng mainit na tubig pagkatapos ay naitulak ko sya palayo)

Magsasalita pa sana kami pero may dumaan na kotse at nag-park sa harapan namin. Biglang bumaba ang kuya ko at sinabing hinahanap na ako ng nanay ko. Hindi na kami nakapag-usap dahil pinasakay na ako ng pinsan ko sa kotse, pagkatapos ay nag-usap pa sila ng sandali. Pagkatapos ay umalis na kami.

Hindi ko na sya nakita ulit. Hindi ko na natanong kung ano talagang meron sa ‘min at hindi ko na rin nalaman kung ano talagang nararamdaman nya para kin.

Matapos ang halos sampung taon habang naglilinis ng kwarto, nakita ko ulet ang organizer na hindi ko alam na nasa kanya pala. Isinoli ito ng katulong nila kinabukasan matapos ang gabing yun bago sya pumunta ng Amerika.

Sa isa sa mga pahina.. ito ang nakasulat:

desktop

In my heart, I will always remember that walk because on that very same night, I had my first kiss given by my first crush. He is a distant memory of my past, yet when I look back at it I can’t help but to smile.

Haayyy.. puppy love. Sarap balikan.

Comments
  1. plaridel says:

    i’m really surprised he didn’t call or write you after that special moment. he’s such a dickhead.

  2. enjoy says:

    nakabalik na pala ang romance scriptwriter. panalo ka talaga kellie. nagawa mo kong dalhin dun sa setting ng story mo. hahaha! pati yung frosty breath ni J, naimagine ko. hirap talagang kalimutan ang first kiss at puppy love noh. am sure kinilig ka pa rin nung sinulat mo yan. hihihihi🙂

  3. IKAY says:

    ahihi kinilig nman ako…parang churva version ng sharon – gabby lab team..bwahaha

  4. AC says:

    taena ate pers kiss yun? sampung tao? e matanda ka na nun ah! trentay singko ka na ngayon dba? e di bente singko ka na nun?!! late bloomer! wahahaha

  5. AC says:

    aaaaaawwwwwwwwww………. napasmile na lang ako.🙂

  6. thenocturnal says:

    KELLLLLLLLLLLIE!

    musta ka na? ngayon nalang ule ako nakabisita sa blog mo, summer kasi tapos ung leche kong work inaalila ako lol. anyway, nakakatuwa naman tong entry na to, haha blast from the past ba?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s